«Լևանդովսկին պետք է կենտրոնանա «Բավարիայի» վրա». Յուպ Հայնկես
Մյունխենցիների գլխավոր մարզիչ Յուպ Հայնկեսը մեկնաբանել է հարձակվող Ռոբերտ Լևանդովսկու՝ «Ռեալ» հնարավոր տեղափոխության մասին շշուկները:
Վերջին ժամանակներս մամուլում ավելի հաճախ է հայտնվում տեղեկություններն այն մասին, որ Լևանդովսկին պլանավորում է մրցաշրջանի ավարտից հետո հեռանալ «Բավարիայից» և տեղափոխվել «Ռեալ»:
Տվյալ իրավիճակը մեկնաբանել է մյունխենցիների գլխավոր մարզիչ Յուպ Հայնկեսը:
«Եթե ես հիմա ֆուտբոլիստ լինեի, ես կխաղայի միայն «Բավարիայում»: Սա աշխարհի լավագույն թիմն է, բայց ես չեմ ուզում խոսել Լևանդովսկու հնարավոր տեղափոխության մասին: Ռոբերտը պետք է կենտրոնանա «Բավարիայի» վրա:
Լևանդովսկին աշխարհի լավագույն ֆուտբոլիստներից մեկն է: Այս ամենը սպեկուլյացիաներ են»,- ասել է Հանյկեսը:
Ավելի վաղ հաղորդվել էր, որ 29-ամյա Լևանդովսկու տրանսֆերը «սերուցքայինների» համար կարժենա 150 մլն եվրո:
Պատրաստեց Անի Գաբուզյանը
