Թբիլիսյան խճուղում երեք ավտոմեքենաների մասնակցությամբ վթար է տեղի ունեցել
Փետրվարի 6-ին, ժամը 16:52-ին տեղեկություն է ստացվել, որ Երևան քաղաքի Թբիլիսյան խճուղու սկզբնամասում տեղի է ունեցել ՃՏՊ, ավտոմեքենաներից առկա է վառելիքի արտահոսք. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «LADA 2104» մակնիշի 35 AA 653 (վարորդ` Ա. Ց.), «Mitsubishi Grandis» մակնիշի 34 VQ 700 (վարորդ` Ա. Ս.) պետհամարանիշերով ավտոմեքենաները և «Volvo» մակնիշի H923KX32 (վարորդ` Է. Կ.) պետհամարանիշով բեռնատարը. տուժածներ չկան:
Փրկարարները հոսանքազրկել են ավտոմեքենաները և փակել գազի բալոնների փականները:
