Սիրիայում զոհված ռուս օդաչուն հետմահու ստացել է Ռուսաստանի հերոսի կոչում
ՌԴ նախագահ Վլադիմիր Պուտինը Ռուսաստանի հերոսի կոչում է շնորհել Սիրիայում զոհված օդաչու Ռոման Ֆիլիպովին: Այս մասին տեղեկացնում են Կրեմլի մամուլի ծառայությունից:
«Զինվորական պարտքը կատարելու ընթացքում ցուցաբերած հերոսության և արիության համար Ռոման Նիկոլայի Ֆիլիպովին հետմահու շնորհել Ռուսաստանի հերոսի կոչում»,- ասված է նշված է ՌԴ նախագահի հրամանագրում:
Փետրվարի 3-ին Սիրիայի Իդլիբ շրջանում շարժական զենիթահրթիռային կայանքից խոցվել է ռուսական Су-25 ինքնաթիռը: Օդաչու Ռոման Ֆիլիպովը կատապուլտացվել է, իսկ գետնի վրա մարտի բռնվել ահաբեկիչների հետ: Օդաչուն ինքն իրեն պայթեցրել է, երբ նրան շրջապատել են ահաբեկիչները:
