«Ռեալը» պատրաստ է վճարել 80 մլն եվրո ՊՍԺ-ի պաշտպան Մարկինյոսի համար
ՊՍԺ-ի պաշտպան Մարկինյոսը կարող է տեղափոխվել «Ռեալ»:
Ընթացիկ մրցաշրջանում «Ռեալի» պաշտպանությունը լավագույն վիճակում չի գտնվում: Ռաֆայել Վարանը հաճախկի վնասվածք է ստանում, Սերխիո Ռամոսը լավագույն մարզավիճակ չի ցուցադրում, իսկ բազմափորձ Պեպեն ընդհանրապես հեռացել է թիմից՝ տեղափոխվելով «Բեշիքթաշ»:
Ինչպես հաղորդում է The Mirror-ը, «արքայական ակումբի» ղեկավարությունն անհանգստացած է այդ պրոբլեմով և պատրաստվում է ուժեղանալ ՊՍԺ-ի պաշտպան Մարկինյոսի օգնությամբ:
Բրազիլացի ֆուտբոլիստի համար մադրիդցիները պատրաստ են վճարել 80 մլն եվրո:Ըստ պարբերականի տեղեկության՝ Մարկինյոսին ձեռք բերելու փորձ «Ռեալը» կանի արդեն հունվարին:
Պատրաստեց Անի Գաբուզյանը
