Առաջնակարգ բյուջետային տորթ՝ 20 րոպեում. թխել հարկավոր չէ

Տորթ թխվածքաբլիթից և կաթնաշոռից՝ առանց թխելու:

Բաղադրիչներ

1. Քառակուսի թխվածքաբլիթ՝ կակաոյով – 300 գ
2. Կաթնաշոռ – 250 գ
3. Թթվասեր – 250 գ
4. Շաքարավազ – 100
5. Ժելատին – 1 թ/գ
6. Ջուր – 75 մլ
7. Շոկոլադ՝ զարդարելու համար

Պատրաստման եղանակը

1. Ժելատինը լցնել թասի մեջ և վրան ջուր ավելացնել: Թողնել մի քանի րոպե:

2. Տեղափոխել կաթսայի մեջ և տաքացնել կրակի վրա՝ մինչև ժելատինի լրիվ լուծվելը:

3. Բլենդերի մեջ հարել թթվասերը՝ կաթնաշոռի և շաքարավազի հետ: Պետք է ստացվի փափուկ կրեմ:

4. Կրեմին ավելացնել ժելատինը և նորից լավ խառնել:

5. Կաղապարի մեջ շարել թխբածքաբլիթի առաջին շերտը և վրան կրեմ լցնել:

6. Հետո՝ նորից թխվածքաբլիթների շերտ, և նորից՝ կրեմ: Այդպես՝ 3 շարք:

7. Ծածկել տորթը թաղանթով և դնել սառնարանն ամբողջ գիշեր: Զարդարել քերած շոկոլադով:

Պատրաստեց Անի Գաբուզյանը