Թուրքմենստանի նախագահը ձիով սլացել է Աշգաբադով
Թուրքմենստանի նախագահ Ղուրբանղուլի Բերդիմուհամեդովը ձիով շրջել է Աշգաբադում եւ դիտել շինարարական օբյեկտները: Համապատասխան տեսանյութը հրապարակել է «Թուրքմենստանի խրոնիկա» պորտալը։
Տեսահոլովակում պետության ղեկավարը ձիով անցնում է Աշգաբադի ժամանակակից եւ հեղինակավոր շրջանների ֆոնին: Բերդիմուհամեդովը մարզական հագուստով է, իսկ ձեռքում բռնել է յուրօրինակ մի ձեռնափայտ, որի օգնությամբ խթանում է ձիուն եւ կարգադրություններ անում ենթականերին:
Հոլովակում ենթականերն ընդամենը երկու հոգի են, երկուսն էլ գործնական հագուստով: Նրանք քայլում են եւ ինչ-որ գրառումներ կատարում բլոկնոտներում՝ գլխի շարժումով համաձայնություն հայտնելով նախագահի հրահանգներին: Այլ մարդիկ կադրերում չկան, Բերդիմուհամեդովն ընթանում է ամայի քաղաքում:
