«Մխիթարյանը վիրավորել է Մոուրինիոյին». Metro

Կրիշտիանու Ռոնալդուն ճանաչվեց ՖԻՖԱ-ի վարկածով տարվա լավագույն ֆուտբոլիստ: Միջազգային պարբերականները հատկապես ուշադրություն են դարձրել նրան, թե ինչպես են քվեարկել եվրոպական գրանդների ֆուտբոլիստները:

Metro պարբերականի ուշադրությունը գրավել է այն, որ Հայաստանի ազգային հավաքականի և «Մանչեսթեր Յունայթեդի» ֆուտբոլիստ Հենրիխ Մխիթարյանը Լավագույն մարզիչ անվանակարգում չի ընտրել Ժոզե Մոուրինիոյին:

Պարբերականը գրում է, որ օրինաչափ է, որ ֆուտբոլիստները լավագույն եռյակում առաջին հորիզոնականում նշում են իրենց ակումբի մարզչին: Պարբերականը բերում է Էդեն Ազարի օրինակը, ով քվեարկել է Անտոնիո Կոնտեի օգտին: «Մխիթարյանը վիրավորել է Մոուրինիոյին»,- գրում է պարբերականը:

Նշենք, որ Մխիթարյանը, որպես լավագույն մարզիչ, ընտրել էր Զինեդին Զիդանին:

Սիրարփի Աղաբաբյան