«Ժամկետային զինվորական ծառայությունը 24 ամիս է». Վիգեն Սարգսյան
«Զինվորական ծառայության և զինծառայողի կարգավիճակի մասին» օրենքի փոփոխությունները ժամկետային զինվորական ծառայության ժամկետին չեն վերաբերում և դա անփոփոխ է մնում: Այս մասին այսօր Ազգային ժողովում լրագրողներին հայտարարեց պաշտպանության նախարար Վիգեն Սարգսյանը:
«Ժամկետային զինվորական ծառայությունը 24 ամիս է, գրված է օրենքում»,- ասաց նախարարը:
Հիշեցնենք, որ օրենքի փոփոխություններով խիստ սահմանափակվում է տարկետման իրավունքը:
