Ջենարո Գատուզոն «Միլանի» գլխավոր մարզչի թեկնածուն է
«Միլանի» երիտասարդական թիմի մարզիչ Ջենարո Գատուզոն մոտ ժամանակներս կարող է գլխավորել հիմնական թիմը:
«Միլանի» ներկայիս գլխավոր մարզիչ Վինչենցո Մոնտելան շուտով կարող է կորցնել պաշտոնը: Ավելի վաղ հաղորդվել էր, որ ակումբի ղեկավարությունը կարող է հեռացնել Մոնտելային, եթե թիմը չհաղթի մոտակա 2 խաղերը:
Ըստ Corriere della Sera-ի՝ Մոնտելային կարող են փոխարինել Պաուլո Սոուզան կամ Վալտեր Մաձարին, ինչպես նաև՝ մինչև մրցաշրջանի ավարտը թիմի հետ կարող է աշխատել Ջենարո Գատուզոն: «Միլան»-«Ջենովա» խաղը, որը տեղի ունեցավ հոկտեմբերի 22-ին, ավարտվեց ոչ-ոքի՝ 0:0 հաշվով:
Պատրաստեց Անի Գաբուզյանը
