Արիեն Ռոբենը ավարտել է կարիերան Նիդեռլանդների ազգային թիմում
Նիդեռլանդների ֆուտբոլի ազգային թիմի և Մյունխենի «Բավարիա»-ի կիսապաշտպան Արիեն Ռոբենը հայտարարել է ազգային թիմում կարիերան ավարտելու մասին:
Նիդեռլանդների ազգային թիմը Մունդիալ-2018-ի ուղեգիր չի նվաճել, թեպետ հենց Ռոբենի դուբլի շնորհիվ ընտրական փուլի վերջին խաղում հաղթել է Շվեդիայի ընտրանուն: Հոլանդացիները խմբում զբաղեցրել են 3-րդ տեղը:
Այս խաղից հետո Ռոբենը որոշել է ավարտել կարիերան ազգային թիմում:
Արիեն Ռոբենը Նիդեռլանդների ազգային թիմում իր նորամուտը նշել է 2003 թվականին: Կիսապաշտպանը 96 խաղում դարձել է 37 գոլի հեղինակ:
