«Մանչեսթեր Յունայթեդը» կրկին կորուստ ունի
Անգլիական «Մանչեսթեր Յունայթեդը» վերջին շրջանում մեկը մյուսի հետևից կորցնում է առաջատար ֆուտբոլիստների: Վերջին շրջանում անգլիական ակումբում շատ լավ հանդես եկող ևս մեկ ֆուտբոլիստ չի կարողանա օգնել թիմին առաջիկա շաբաթների ընթացքում: Խոսքը Մարուան Ֆելաինիի մասին է:
Ֆուտբոլիստը ստացել է ծնկի վնասվածք Աշխարհի 2018 թվականի առաջնության ընտրական փուլի՝ Բոսնիայի և Հերցեգովինայի հետ խաղի ընթացքում:
Ըստ նախնական տվյալների՝ ֆուտբոլիստը վնասել է ծնկի կապանները: Նման դեպքում սովորաբար բացակայում են 2 շաբաթ: Արդեն վաղը ֆուտբոլիստը բուժզննում կանցնի Անգլիայում:
Սա Մոուրինիոյի հերթական կորուստն էր հոկտեմբերի 14-ին կայանալիք՝ «Լիվերպուլի» հետ կարևոր խաղից առաջ:
Սիրարփի Աղաբաբյան
