Դիեգո Սիմեոնեն երազում է գլխավորել Արգենտինայի հավաքականը
«Ատլետիկոյի» գլխավոր մարզիչ Դիեգո Սիմեոնեն դեմ չէ աշխատել Արգենտինայի ազգային թիմի հետ:
47-ամյա մասնագետը վերջին տարիներին համարվում է աշխարհի լավագույն մարզիչներից մեկը: Դիեգոյի մոտ դեռ ամեն ինչ լավ է ընթանում «Ատլետիկոյում», սակայն հետագայում Սիմեոնեն կցանկանար աշխատել նաև Արգենտինայի հավաքականում:
«Ես սիրում եմ արգենտինական ֆուտբոլը: Այդ երկրում եմ ես ձեռք բերել իմ առաջին ֆուտբոլային փորձը: Ես կցանկանայի մի օր գլխավորել Արգենտինայի ազգային հավաքականը, սակայն դա տեղի կունենա ոչ հիմա: Տվյալ պահին ես ուզում եմ աշխատել ակումբում, որպեսզի ամեն օր շնչեմ ֆուտբոլով»,- ասել է Սիմեոնեն:
Պատրաստեց Անի Գաբուզյանը
