Ապարանում ՏԻՄ ընտրություններին ինքնաառաջադրվել է «Գնթունիքի» ավագ հաշվապահը. «Հրապարակ»
«Հրապարակ» թերթը գրում է. «Արագածոտնի մարզի Ապարան համայնքում նոյեմբերի 5-ին տեղի ունենալիք ՏԻՄ ընտրություններում ՀՀԿ-ն առաջադրել է Կարեն Եղիազարյանին՝ «Գնթունիք» ՍՊԸ-ի (հացաբուլկեղենի և այլ խորտիկների պատրաստմամբ զբաղվող) հիմնադիրին:
Ինչպես թերթն է մեկնաբանում, մրցակցային ֆոնն ապահովելու համար ինքնաառաջադրվել է նաև մեկ այլ թեկնածու՝ «Գնթունիքի» ավագ հաշվապահ Հովհաննես Ալեքսանյանը:
Նույն մարզի մեկ այլ՝ Ծաղկահովիտ համայնքում ՀՀԿ-ի կողմից թեկնածու է առաջադրվել Հնաբերդ համայնքի նախկին ղեկավար ՀՀԿ-ական Գոռ Հունանյանը:
Նշենք, որ այս համայնքում նախորդ ընտրությունների ժամանակ ինքնաառաջադրվել էր նաև «Սասնա ծռեր» խմբի անդամ, այժմ կալանավայրում գտնվող Արայիկ Խանդոյանը»:
Ամբողջությամբ կարող եք կարդալ «Հրապարակ» թերթի այսօրվա համարում:
