Յունկերը դեմ է Հունգարիայի և Լեհաստանի նկատմամբ պատժամիջոցներ սահմանելուն
Եվրահանձնաժողովի ղեկավար Ժան Կլոդ Յունկերը հանդես է եկել ԵՄ-ի կողմից Հունգարիայի եւ Լեհաստանի նկատմամբ տնտեսական պատժամիջոցներ սահմանելու դեմ։
Այս տարվա հունիսին ԵՀ-ն որոշում էր ընդունել սկսել ընթացակարգ, որը կարող է հանգեցնել Չեխիայի, Լեհաստանի եւ Հունգարիայի դեմ պատժամիջոցների սահմանման՝ այս երկրների իշխանությունների կողմից Իտալիայում եւ Հունաստանում հայտնված փախստականներին ԵՄ-ի տարածքում տեղաբաշխման պայմանավորվածությունների խախտման կապակցությամբ:
«Ես ճիշտ չեմ համարում Լեհաստանի եւ Հունգարիայի նկատմամբ ֆինանսական պատժամիջոցների սահմանումն այնքան ժամանակ, քանի դեռ երկխոսության վեկտորն իրեն չսպառել: Ինձ համար շատ կարեւոր է, որ մենք չմեծացնենք Արեւելյան, Արեւմտյան եւ Կենտրոնական Եվրոպայի միջեւ գոյացած խզվածքը»,-հայտարարել է Յունկերը Bild տաբլոիդին տված հարցազրույցում, հաղորդել է ՌԻԱ Նովոստին:
