«Իտալիայում ավելի հեշտ էր պաշտպանել տիտղոսը». Անտոնիո Կոնտե
«Չելսիի» գլխավոր մարզիչ Անտոնիո Կոնտեն հայտարարել է, որ Անգլիայի առաջնությունում ավելի դժվար է 2 անգամ անընդմեջ հաղթել տիտղոսը, քան Իտալիայում:
«ԱՊԼ-ում յուրաքանչյուր թիմի ծանր է պաշտպանել տիտղոսը: Մենք հաղթեցինք Սկուդետոն «Յուվենթուսի» հետ, և ես սպասում էի ռեալ մրցակցություն «Միլանի» կողմից, բայց դրա փոխարեն՝ նրանք վաճառեցին Զլատան Իբրահիմովիչին և Տիագո Սիլվային ՊՍԺ-ին, և դարձան ավելի թույլ: Սկուդետոն երկրորդ անգամ անընդմեջ հաղթելը հեշտ չէր, բայց ավելի հեշտ էր, քան առաջին անգամ (արդյունքում՝ Կոնտեն «Յուվենթուսի» հետ հաղթեց առաջնությունը 3 անգամ անընդմեջ):
Իսկ Անգլիայում, համեմատած նախորդ մրցաշրջանի հետ, թոփ-ակումբներն ավելի ուժեղ են դարձել»,- ասել է Կոնտեն, ով նախորդ մրցաշրջանում «Չելսիի» հետ հաղթեց առաջնությունը:
Պատրաստեց Անի Գաբուզյանը
