Մարտունու նորակառույց հիվանդանոցը վերելակ կունենա
Մարտունու նորակառույց հիվանդանոցում շուտով կտեղադրվի վերելակ, իսկ սահմանափակ կարողությամբ մարդկանց համար կկառուցվեն թեքահարթակներ:
«Արցախպրես»-ի թղթակցի հաղորդմամբ՝ ԱՀ նախագահ Բակո Սահակյանի կողմից նման հանձնարարական է ստացել քաղաքաշինության նախարարությունը:
Սեպտեմբերի 28-ին կայացած Ազգային Ժողովի լիագումար նիստում, որտեղ ներկա էր նաև հանրապետության նախագահը, արձագանքելով պատգամավոր Դավիթ Իշխանյանի կողմից բարձրացված մտահոգությանը, ասել է. «Հաշվի առնելով հարցերի կարևորությունը՝ քաղաքաշինության նախարարությանը համապատասխան ցուցումներ կտրվի, որպեսզի այդ աշխատանքներն իրականացվեն»:
