«Մինչև 2018 թվականը կարող եմ հեռանալ Իսպանիայի հավաքականից». Ժերար Պիկե

Խոսքն Իսպանիայի ֆուտբոլի ֆեդերացիայինն է: Կատալոնայի անկախության հանրաքվեի օրը «Բարսելոնայի» պաշտպանը պատրաստակամություն է հայտնել ինչպես՝ Իսպանիայի հավաքականում խաղալու, այնպես էլ՝ այդտեղից հեռանալու:

«Ես կարծում եմ, որ կարող եմ շարունակել հանդես գալ հավաքականի կազմում, որովհետև Իսպանիայում շատ մարդիկ կան, ովքեր համաձայն չեն նրա հետ, ինչ կատարվեց այսօր, և հավատում են ժողովրդավարությանը: Բայց եթե ղեկավարությունում գտնում են, որ ես պրոբլեմ եմ ներկայացնում, ապա ես կարող եմ հեռանալ հավաքականից մինչև 2018 թվականը»,- ասել է Պիկեն:

Հոկտեմբերի 1-ին Կատալոնիայում տեղի ունեցավ անկախության հանրաքվե, որը չի ճանաչվում Իսպանիայի իշխանությունների կողմից:  Ի նշան բողոքի՝ «Բարսելոնան» «Լաս Պալմասի» հետ հանդիպումն անցկացրեց առանց հանդիսականի:

Պիկեն Իսպանիայի հավաքականի կազմում անցկացրել է 91 խաղ, դարձել է 2010 թ. Աշխարհի չեմպիոն և 2012թ. Եվրոպայի չեմպիոն:

Պատրաստեց Անի Գաբուզյանը