«Անչելոտին կարող է լինել իմ օգնականը, եթե ցանկանա». «Միլանի» գլխավոր մարզիչ Վինչենցո Մոնտելա
«Ռոսոներների» մարզիչը պատրաստ է տեղավորել ընկերոջը:
«Կարլոն մարդ է, ում ես շատ եմ հարգում: Նա առաջին մարզիչն է, ում ես հետևում էի, երբ ինքս նոր էի սկսել աշխատել: «Չելսիում» նա ինձ վերաբերվում էր՝ ինչպես եղբոր, և հարցնում էր՝ արդյո՞ք ուզում եմ լինել իր օգնականը: Այնպես որ, եթե նա ուզում է, ապա կարող է գալ այստեղ և դառնալ իմ օգնականը, դա պրոբլեմ չէ: Ողջույններս ընկերոջս, Կարլոյին»,- Մոնտելային է մեջբերում Football Italia-ն:
Կարլո Անչելոտին հեռացվեց «Բավարիայից» Չեմպիոնների լիգայում ՊՍԺ-ից կրած պարտությունից հետո: Ըստ The Telegraph-ը տեղեկության՝ իտալացու ծառայություններով հետաքրքրված է «Վեսթ Հեմը»:
Պատրաստեց Անի Գաբուզյանը
