Պիկեն կոչ է արել կատալոնացիներին՝ քվեարկել Կատալոնիայի անկախության օգտին
«Բարսելոնայի» պաշտպան Պիկեն հայտնի է նրանով, որ միշտ կողմ է եղել Կատալոնիայի՝ Իսպանիայից անկախանալուն: Ֆուտբոլիստը հերթական անգամ արտահայտվել է այդ մասին Թվիթերի իր էջում՝ կոչ անելով կատալոնացիներին մասնակցել քվեարկությանը հոկտեմբերի 1-ին սպասվող հանրաքվեում:
«Այսօրվանից սկսած՝ մինչև կիրակի, մենք պետք է խաղաղ քվեարկենք: Եկեք ոչ մի առիթ չտանք նրանց այն բանի համար, որպեսզի նրանք խանգարեն մեզ: Դա այն է, ինչ նրանք ուզում են: Պետք է երգենք բարձր և ուժեղ: Մենք պետք է քվեարկենք»,- գրել է Պիկեն:
Պատրաստեց Անի Գաբուզյանը
