Մոսկվայում ՌԴ-ի և ԿԺԴՀ-ի կոնսուլտացիաներ են սկսվել Կորեական թերակղզու իրադրության շուրջ
Ռուսաստանի եւ ԿԺԴՀ-ի դիվանագետները բանակցություններ են սկսել Կորեական թերակղզու իրադրության շուրջ: Ինչպես տեղեկացնում է ՏԱՍՍ-ը, ռուսական կողմը ներկայացնում է հատուկ հանձնարարությունների դեսպան Օլեգ Բուրմիստրովը, Փենյանը՝ դիվանագիտական գերատեսչության ամերիկյան հարաբերությունների բաժնի ղեկավար Չո Սոն Հուն: Կոնսուլտացիաներն ընթանում են փակ ռեժիմով:
Տարածաշրջանում իրադրությունը սրվել է վերջին ամիսներին Փենյանի կողմից հրթիռամիջուկային ծրագրի զարգացման պատճառով: Լարվածության էպիկենտրոն են դարձել ամերիկա-հյուսիսկորեական հարաբերությունները, կողմերը պարբերաբար ռազմաշունչ հայտարարություններ են փոխանակում՝ ընդհուպ մինչեւ ուժի կիրառման սպառնալիքներ:
