«Եթե Թուրքիայում ունենայինք շատ մարդիկ, թուրքերե՞նը պետք է լիներ երկրորդ պետական լեզուն». Ավետիք Իշխանյանը՝ Լևոն Մկրտչյանին
«Եթե այսօր Ռուսաստանին են հպատակ, վաղը թուրքերին հպատակ կլինեն»,- այսօր ռուսաց լեզվի դասավանդման նոր հայեցակարգի վերաբերյալ տեղի ունեցած քննարկման ժամանակ նման տեսակետ հայտնեց Հայաստանի Հելսինկյան կոմիտեի նախագահ Ավետիք Իշխանյանը:
Ըստ նրա՝ այդ հայեցակարգի ընդունումը կբերի ներքին անկախության ջախջախման: Նա համոզմունք հայտնեց, որ այսօրվա Ազգային ժողովն այդ հայեցակարգին կողմ է քվեարկելու:
ՀՀ կրթության և գիտության նախարար Լևոն Մկրտչյանը խոսելով այս հայեցակարգի տնտեսական կարևորության մասին՝ ասել էր, որ մենք ունենք բազմաթիվ աշխատողներ Ռուսասատանում, որոնք ամեն տարի գնում-գալիս են, և շատ կարևոր է, որ ռուսերեն իմանան:
Ա. Իշխանյանը նախարարի այս հիմնավորմանն այսպես արձագանքեց. «Այսինքն՝ եթե Թուրքիայում ունենայինք շատ մարդիկ, թուրքերե՞նը պետք է լիներ երկրորդ պետական լեզուն»:
