ՉԺՀ-ի իշխանությունները կարգադրել են 120 օրվա ընթացքում փակել ԿԺԴՀ-ի հետ բոլոր համատեղ ձեռնարկությունները
Չինաստանի իշխանությունները կարգադրել են ՄԱԿ-ի Անվտանգության խորհրդի 2375 բանաձեւի ընդունման ամսաթվից 120 օրվա ընթացքում փակել ԿԺԴՀ-ից մասնավոր եւ իրավական անձանց մասնակցությամբ բոլոր համատեղ ձեռնարկությունները: Այդ մասին ասված է ՉԺՀ-ի առեւտրի նախարարության՝ սեպտեմբերի 28-ին հրապարակված հաղորդագրության մեջ:
«ԿԺԴՀ-ից իրավական կամ ֆիզիկական անձանց մասնակցությամբ Չինաստանում գործող համատեղ ձեռնարկությունները, կոոպերատիվ կազմակերպությունները, ինչպես նաեւ օտարերկրյա կապիտալով ձեռնարկություններն իրենց գործունեությունը պետք է դադարեցնեն ՄԱԿ-ի ԱԽ-ի 2375 բանաձեւի ընդունման ամսաթվից (2017 թվականի սեպտեմբերի 12) 120 օրվա ընթացքում»,-ասված է փաստաթղթում, հաղորդել է ՏԱՍՍ-ը:
