Մեքսիկայում ձկների անձրև է տեղացել
Մեքսիկայի հյուսիս – արեւելքում անձրեւաբեր ամպից ջրի կաթիլների հետ միասին ձկներ են ընկել: Այդ մասին հայտնել է Տամաուլիպասի նահանգի Քաղաքացիական պաշտպանության վարչությունը: Արտասովոր եղանակային երեւույթն արձանագրել են Տամպիկո քաղաքում:
«Տեղաց թեթեւ անձրեւ, որի ժամանակ բառացիորեն մանր ձկներ ընկան երկնքից»,- ասված է Facebook-ում գերատեսչության զետեղած հաղորդագրության մեջ: Այսօրվա դրությամբ գիտնականներն այս երեւույթի ստույգ բացատրությունը չունեն, հաղորդել է ՌԻԱ Նովոստին:
