«Մեր գործընկերները հետաքրքրված են Հայաստանում ներդրումներ անել». Արմեն Ավակ Ավակյան
Հայաստանի զարգացման հիմնադրամն այսօր հայ-հնդկական գործարար համաժողով է կազմակերպել Հնդկաստանի արդյունաբերական ասոցիացիայի պատվիրակության հայաստանյան գործարար այցի շրջանակում։
Համաժողովից առաջ լրագրողների հետ զրույցում Հայաստանի զարգացման հիմնադրամի գործադիր տնօրեն Արմեն Ավակ Ավակյանը նշեց, որ ՀՀ-ում արդեն գործող հնդկական ձեռնարկությունների մասին տեղյակ չէ, որոնք ցանկանում են ընդլայնվել, սակայն նոր կապերի համար լավ հիմքեր կան:
«Մեր գործընկերները հետաքրքրված են Հայաստանում ներդրումներ անել դեղագործության, տեղեկատվական տեխնոլոգիաների և այլ ոլորտներում»,- ասաց Ավակյանը:
Համաժողովին մասնակցում են Հայաստանում Հնդկաստանի արտակարգ և լիազոր դեսպան Յոգենդրա Սանգուանը, Հնդկաստանի արդյունաբերական ասոցիացիայի գլխավոր տնօրեն Շրիքումար Նաիրը, պաշտոնյաներ և շուրջ 50 գործարարներ՝ երկու երկրներից։
