«Նյուքասլը» մտադիր է երկարաձգել պայմանագիրը Բենիտեսի հետ
«Նյուքասլի» գլխավոր մարզիչ Ռաֆա Բենիտեսը մոտ ժամանակները կարող է նոր պայմանագիր ստորագրել իր ներկայիս ակումբի հետ: Ինչպես հաղորդում է The Times-ը, «Նյուքասլի» ղեկավարությունը մոտ ժամանակները կաշխատի պայմանավորվել Ռաֆա Բենիտեսի հետ նոր պայմանագրի վերաբերյալ:
Ըստ աղբյուրի տեղեկության՝ ակումբի սեփականատեր Մայքլ Էշլին իսպանացի մասնագետին հրավիրել է ճաշի, որի ընթացքում նրանք քննարկել են պայմանագրի հնարավոր երկարաձգումը:
Հաղորդվում է, որ Բենիտեսը դեմ չի լինի երկարաձգել գործող պայմանագիրը, եթե ակումբը բարենպաստ պայմաններ ստեղծի աշխատանքի համար և տրամադրի անհրաժեշտ միջոցներ տրանսֆերային շուկայում աշխատելու համար:
Ավելի վաղ հաղորդվել էր, որ Բենիտեսը կարող է փոխարինել Սլավեն Բիլիչին «Վեսթ Հեմի» գլխավոր մարզչի պաշտոնում:
Պատրաստեց Անի Գաբուզյանը
