Օզիլը կարող է տեղափոխվել «Ինտեր»
Ինչպես հաղորդում է Daily Star-ը, լոնդոնյան «Արսենալի» կիսապաշտպան Մեզութ Օզիլը հետաքրքրել է միլանյան «Ինտերին»:
Իտալացիները ցանկանում են ձեռք բերել կիսապաշտպանին ձմեռային տրանսֆերային պատուհանի ժամանակ: Օզիլի պայմանագիրն «Արսենալի» հետ լրանում է 2018թ. ամռանը, դրա համար էլ «Ինտերը» կարող է գնել ֆուտբոլիստին ցածր գնով:
Ամենայն հավանականությամբ, գերմանացին չի պատրաստվում երկարաձգել պայմանագիրն իր ակումբի հետ:
Օզիլը խաղում է «Արսենալի» կազմում 2013 թվականից: Ընթացիկ մրցաշրջանում նա մասնակցել է 4 խաղի:
Պատրաստեց Անի Գաբուզյանը
