Լավաշից պատրաստված չիփսեր՝ պանրով և թթվասերով

Բաղադրիչներ

1. Բարակ լավաշ – 200 գ
2. Թթվասեր – 70 գ
3. Սխտոր – 2 ատամիկ
4. Համեմունքներ (պղպեղ, չորացրած սամիթ, մաղադանոս)՝ ըստ ճաշակի
5. Աղ՝ ըստ ճաշակի
6. Պինդ պանիր (ցանկալի է պարմեզան) – 40 գ

Պատրաստման եղանակը

1. Ճզմել սխտորը և ավելացնել թթվասերի մեջ: Մի փոքր աղ ցանել:

2. Բացել լավաշը և բարակ շերտով վրան տարածել թթվասերային զանգվածը:

3. Կտրատել լավաշը մանր կտորների:

4. Լավաշի կտորները շարել տապակի վրա և վրան քերած պանիր և համեմունքներ ավելացնել:

5. Լավաշները 4-5 րոպեով ուղարկել նախապես 220 աստիճան տաքացրած ջեռոցի մեջ:

Պատրաստեց Անի Գաբուզյանը