Թողարկվել է «Tomb Raider. Լարա Քրոֆթ» ֆիլմի առաջին թրեյլերը
Ցանցում հայտնվել է «Tomb Raider. Լարա Քրոֆթ» արկածային մարտաֆիլմի առաջին պրոմոհոլովակը: Այն հրապարակված է Warner Bros. Pictures-ի YouTube-ալիքում: Ժապավենը պատմելու է Լարա Քրոֆթի առաջին գիտարշավի մասին: Աղջիկը պատրաստվում է ավարտել իր հոր կողմից սկսված հնագիտական ուսումնասիրությունը: Որպես կինոնկարի ռեժիսոր հանդես է եկել Ռոար Ութհաուգը: Գլխավոր դերակատարը Ալիսիա Վիկանդերն է: Ֆիլմում նաեւ նկարահանվել են Դոմինիկ Ուեսթը, Հաննա Ջոն-Քեյմենը, Ուոլթոն Հոգինսը եւ Նիք Ֆրոսթը: Պրեմիերան նշանակված է 2018 թվականի մարտին:
