Մեքսիկայում երկրաշարժի զոհերի թիվը հասել է 273-ի
Մեքսիկայի արտաքին գործերի նախարար Լուիս Վիդեգարայը հայտարարել է, որ երկրում տեղի ունեցած հզոր երկրաշարժի զոհերի թիվը հասել է 273-ի։
«Ներկա պահին զոհերի թիվը 273 է, մեծ ավերածություններ ու շատ վիրավորներ կան Մեխիկոյում եւ մեր հանրապետության կենտրոնական մասի այլ բնակավայրերում»,- ասել է նա՝ ելույթ ունենալով ՄԱԿ-ի Գլխավոր ասամբլեայի նստաշրջանում: 7,1 մագնիտուդով երկրաշարժը Մեկսիկայում տեղի է ունեցել սեպտեմբերի 19-ի երեկոյան: Երկրի հարավում ստորգետնյա ուժգին ցնցումներն զգացվել են մայրաքաղաք Մեխիկոյում, հաղորդել է ՌԻԱ Նովոստին:
