«Յուվենթուսը» դիտարկում է Յան Օբլակին՝ որպես Ջանլուիջի Բուֆոնին փոխարինող
«Յուվենթուսն» իր լեգենդար դարպասապահ Ջանլուիջի Բուֆոնին արժանի փոխարինող է փնտրում, ով 2017-18թթ. մրցաշրջանի ավարտից հետո կարող է ավարտել կարիերան:
Իտալիայի չեմպիոնների ներկայացուցիչները կարծում են, որ լեգենդար դարպասապահի փոխարինողը գտնվում է Մադրիդում. ակումբի գլխավոր տրանսֆերային նպատակն է դարձել Յան Օբլակը: «Յուվենթուսը» հարցում է ուղարկել Իսպանիա՝ դարպասապահի գնի և հնարավոր ձեռքբերման վերաբերյալ: «Ատլետիկոյից» պատասխանել են, որ Օբլակի գինը 100 մլն եվրո է, իսկ նրա համար մղվող պայքարը թեժ է, հաղորդում է AS-ը:
2017թ. ամռանը Օբլակը ցանկանում էր տեղափոխվել ՊՍԺ:
Transfermarkt-ը 24-ամյա դարպասապահին, ում պայմանագրի ժամկետը մադրիդյան ակումբի հետ լրանում է 2021 թվականին, գնահատում է 40 մլն եվրո:
Պատրաստեց Անի Գաբուզյանը
