Ազգությամբ քուրդ Թուրքիայի քաղաքացին ապօրինի հատել է Հայաստանի պետական սահմանը
Օրերս հայ-թուրքական սահմանի ապօրինի հատման նոր դեպք է արձանագրվել: Սահմանախախտը ազգությամբ քուրդ, Թուրքիայի Հանրապետության քաղաքացի է: Մասնավորապես, «Փաստինֆո»-ի տեղեկություններով՝ նա, հատելով ՀՀ պետական սահմանը, Արարատի մարզի Եղեգնավան գյուղի տարածքում տեղակայված սահմանապահ ուղեկալի տարածք է մուտք գործել: Իգդիրի շրջանի բնակիչ, 45-ամյա Յուսուֆ Բելդիկը սահմանապահների կողմից ձերբակալվել է և հանձնվել ՀՀ ԱԱԾ ծառայողներին:
