Շուրջ քսան մարդ է տուժել Լոնդոնի մետրոյում տեղի ունեցած պայթյունից
Շուրջ քսան մարդ է տուժել Լոնդոնի մետրոյի «Փարսոնս գրին» կայարանում գնացքի վագոնում տեղի ունեցած պայթյունից: Այդ մասին հայտնել է LBC բրիտանական ռադիոկայանը: Բժիշկները պատահարի վայրից տեղափոխում են վնասվածքներ, մասնավորապես, այրվածքներ ստացած մարդկանց:
Բժիշկներից բացի, մետրոյի կայարան են ժամանել ոստիկաններ, հրշեջ հաշվարկներ, ինչպես նաեւ արտակարգ ծառայությունների ուղղաթիռ:
The Independent թերթը հրապարակել է այն առարկայի լուսանկարը, որում, հավանաբար, տեղի Է ունեցել պայթյունը: Խոսքը վերաբերում է մեծ պոլիէթիլենային փաթեթի մեջ գտնվող պլաստիկե դույլին, որից հաղորդալարեր են դուրս ցցված:
Բացառված չէ, որ պայթյունը կանխամտածված չէր, հաղորդել է «Ինտերֆաքս»-ը:
