Կատալոնիայում մեկնարկել է անկախության կողմնակիցների քարոզարշավը
Կատալոնիայի անկախության կողմնակիցները սեպտեմբերի լույս 15-ի գիշերն սկսել են հոկտեմբերի 1-ի հանրաքվեի ընթացքում Իսպանիայի կազմից դուրս գալու օգտին քվեների պաշտպանության արշավը: Քարոզչության մեկնարկը տրվել է Տարագոնա քաղաքում կայացած միջոցառման ժամանակ։
Արարողությանը ներկա էին Կատալոնիայի ղեկավար Կառլես Պուչդեմոնը եւ նրա տեղակալ Օրիոլ Ժունկերասը, ինչպես նաեւ տարածաշրջանային կուսակցությունների ներկայացուցիչներ, կուսակցություններ, որոնք հանդես են գալիս Իսպանիայից անջատվելու օգտին:
Հաջորդ շաբաթների ընթացքում անկախության կողմնակիցներն ամբողջ ինքավար մարզում կայցելեն տարբեր քաղաքներ եւ բնակավայրեր՝ կոչ անելով քվեարկել թագավորության կազմից դուրս գալու օգտին, հաղորդել է ՏԱՍՍ-ը:
