Ռուսական սուզանավերը «Կալիբր»-ներով հարվածել են Սիրիայում ԻՊ-ի օբյեկտներին
Ռուսական «Վելիկի Նովգորոդ» և «Կոլպինո» սուզանավերը «Կալիբր» թևավոր հրթիռներով ստորջրյա դիրքից հարված են հասցրել Սիրիայում ԻՊ-ի օբյեկտներին: Այդ մասին հայտնել է ՌԴ պաշտպանության նախարարությունը:
«Սեպտեմբերի 14-ին Միջերկրական ծովի արևելյան մասում գտնվող «Վելիկի Նովգորոդ» և «Կոլպինո» սուզանավերը «Կալիբր» թևավոր հրթիռներով ստորջրյա դիրքից հարված են հասցրել Սիրիայում ԴԱԻՇ ահաբեկչական խմբավորման կարևոր օբյեկտներին: Խոցման թիրախներ են դարձել կառավարման կետեր, կապի հանգույցներ, ինչպես նաև ահաբեկիչների զենքի ու զինամթերքի պահեստները Դեյր Զոր քաղաքից հարավ-արևելք ընկած շրջաններում»,- հայտնել են ռուսական ռազմական գերատեսչությունում:
«Ընդջրյա դիրքից ահաբեկիչների օբյեկտների վրա արձակվել է ծովային բազավորման յոթ թևավոր հրթիռ: Նպատակակետերից հեռավորությունը կազմել է 500-ից մինչև 670 կիլոմետր»,- հավելել են պաշտպանության նախարարությունում, հաղորդել է ՏԱՍՍ-ը:
