Էրեբունի օդանավակայանում շինարարական աշխատանքների կատարման ժամանակ քաղաքացին ընկել է փոսը
Սեպտեմբերի 14-ին՝ ժամը 16:00-ին, ահազանգ է ստացվել, որ Երևան քաղաքի Էրեբունի օդանավակայանում շինարարական աշխատանքների կատարման ժամանակ քաղաքացին ընկել է փոսը (մոտ 3 մ խորությամբ). անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ: Պարզվել է, որ քաղաքացին ընկել է Շիրակի փողոցի զորմասի տարածքում գտնվող փոսը:
Փրկարարները՝ 1970 թ. ծնված Հ. Գ.-ին դուրս են բերել փոսից և մոտեցրել շտապօգնության ավտոմեքենային, ով հոսպիտալացվել է «Էրեբունի» ԲԿ:
