«Ռեալը» կերկարաձգի պայմանագիրը Քարիմ Բենզեմայի հետ. նրա հրաժարագինը կկազմի 1 մլրդ եվրո

Մադրիդցիները ցանկանում են խուսափել Նեյմարի հետ պատմության կրկնությունից: «Ռեալը» պլանավորում է վերաստորագրել Քարիմ Բենզեմայի պայմանագիրը: Հարձակվողի հետ գործող պայմանագրի ժամկետն ավարտվում է 2019թ. ամռանը:

Մադրիդցիները պատրաստվում են ֆրանսիացուն իրենց մոտ պահել մինչև 2021 թվականը: Ըստ նոր պայմանագրի՝ Բենզեմայի հրաժարագինը կազմելու է 1 մլրդ եվրո, հաղորդում է France Football-ը:

29-ամյա Բենզեման «Ռեալի» կազմում հանդես է գալիս 2009 թվականից:

1 մլրդ եվրո հրաժարագնի մասին կետ առկա է միայն Կրիշտիանու Ռոնալդուի և Գարեթ Բեյլի պայմանագրերում: Transfermarkt-ը Քարիմին գնահատում է 60 մլն եվրո:

Պատրաստեց Անի Գաբուզյանը