Ֆրանսիայի յոթ դեպարտամենտներում վտանգի նարնջագույն մակարդակ են սահմանել տեղատարափների պատճառով
Ֆրանսիայի հյուսիս-արեւելքի յոթ դեպարտամենտներում սեպտեմբերի 13-ի առավոտյան վտանգի նարնջագույն մակարդակ են սահմանել տեղատարափների պատճառով: Այդ մասին հաղորդվում է Meteo France ազգային օդերեւութաբանական կազմակերպության կայքում:
Ֆրանսիացի օդերեւութաբանների տվյալներով՝ հորդառատ անձրեւները կարող են հանգեցնել հեղեղումների: Սպասվում է, որ առաջիկա օրվա ընթացքում երկրի յոթ դեպարտամենտների տարածքում կարող են գրանցվել մինչեւ 80 միլիմետր տեղումներ: Օդերեւութաբանների նախազգուշացումը գործելու է մինչեւ սեպտեմբերի 14-ի ժամը 9-ը, հաղորդել է ՌԻԱ Նովոստին:
