ԱՄՆ-ի Գերագույն դատարանը կասեցրել է երկիր փախստականների մուտքը թույլատրող վճիռը
ԱՄՆ-ի Գերագույն դատարանը կասեցրել է վերաքննիչ դատարանի վճիռը, որը 24 հազար փախստականների թույլատրել էր ժամանել ԱՄՆ: Այդ մասին ասված է դատարանի վճռում: Ավելի վաղ Գերագույն դատարանը կասեցրել էր մեկ այլ վճիռ, որը սահմանափակում էր փախստականների մուտքը:
Դատարանի վճիռները ժամանակավոր բնույթ են կրում՝ մինչեւ նախագահ Դոնալդ Թրամփի ներգաղթային հրամանագրի՝ ըստ էության քննարկումը: Բուն հրամանագիրն ուժի մեջ է մտել հուլիսին. նույնպես Գերագույն դատարանի միջամտությունից հետո: Հրամանագրով 120 օրով դադարեցված է փախստականների ընդունումն ԱՄՆ, ինչպես նաեւ 90 օրով դադարեցված է Իրանի, Եմենի, Լիբիայի, Սիրիայի, Սոմալիի եւ Սուդանի քաղաքացիների մուտքը երկիր, հաղորդել է ՌԻԱ Նովոստին:
