Լավրոﬖ ու Թիլերսոնը կհանդիպեն ՄԱԿ-ի Գլխավոր ասամբլեայի շրջանակում
Ռուսաստանի արտաքին գործերի նախարար Սերգեյ Լավրովը և ԱՄՆ պետքարտուղար Ռեքս Թիլերսոնը կհանդիպեն Նյու Յորքում կայանալիք ՄԱԿ-ի Գլխավոր ասամբելայի շրջանակում: Ինչպես փոխանցում է ՏԱՍՍ-ը, այդ մասին հայտարարել է ՌԴ փոխարտգործնախարար Սերգեյ Ռյաբկովը՝ ԱՄՆ պետքարտուղարի առաջին տեղակալ Թոմաս Շէննոﬕ հետ բանակցությունների արդյունքներն ամփոփելիս:
Ռյաբկովի խոսքով, Հելսինկիում կայացած իրենց հանդիպումը ծառայել է որպես Լավրովի և Թիլերսոնի հանդիպման նախապատրաստություն:
«Ուղենիշը վերցված է նրանց հանդիպման ուղղությամբ»,- ասել է ռուս դիվանագետը:
Ռյաբկովը ցանկություն է հայտնել, որ ՌԴ և ԱՄՆ արտաքին քաղաքական գերատեսչությունների ղեկավարները հանդիպման արդյունքներով երկրներին ու ﬕջազգային հանրությանը հաղորդեն դրական ազդակներ՝ պայմանավորվածությունների տեսքով: «Դրական ազդակները շատ են անհրաժեշտ և պահանջված ﬕջազգային օրակարգի հարցերի համար, լինի Սիրիան, Կորեական թերակղզում իրավիճակը, թե Ուկրաինան»,- նշել է ՌԴ ԱԳ նախարարի տեղակալը:
