Ժան Կլոդ Վան Դամի որդին ձերբակալվել է հարևանին դանակով սպառնալու համար
Հայտնի դերասան Ժան Կլոդ Վան Դամի կրտսեր որդին՝ 21-ամյա Նիկոլաս Վան Վարենբերգն, ձերբակալվել է իր հարևանին դանակով սպառնալու և ապօրինի թմրանյութ պահելու համար: Այս մասին գրում է TMZ-ն:
Դեպքը տեղի է ունեցել ԱՄՆ-ի Արիզոնա նահանգի Թեմփե քաղաքում: Նա, մասնավորապես, կասկածվում է թմրանյութ պահելու և դրա օգտագործման համար առարկաներ ունենալու, ինչպես նաև զինված հարձակում գործելու մեջ:
Ոստիկանները նրա տանն անցկացրած որոնողական աշխատանքների արդյունքում հայտնաբերել են այն դանակը, որով նա հարձակվել է իր հարևանի վրա, և թմրանյութ:
