Թեստ. ընտրեք մոմերից մեկը և բացահայտեք ձեզ
Greatpicture.ru-ն թեստ է առաջարկում. ընտրեք մոմերից մեկն ու իմացեք՝ ինչի մասին է վկայում ընտրությունը։
Սև մոմ։ Սևն ինքնապաշտպանության գույնն է։ Եթե ընտրել եք այս մոմը, նշանակում է՝ հոգնել եք և ցանկանում եք հանգստանալ։ Ժամանակ տրամադրեք ինքներդ ձեզ։ Ոչինչ տեղի չի ունենա, եթե մի փոքր «ետ մնաք» կյանքից։ Հանգստանալուց հետո մեծ էներգիա կզգաք։
Մանուշակագույն մոմ։ Սա հարստության գույնն է։ Եթե ընտրել եք այս մոմը, նշանակում է՝ մոտ ապագայում կստանաք մի բան, որին երկար ժամանակ ձգտել եք։ Հաջողակ եք և, ամենայն հավանականությամբ, ղեկավար պաշտոն եք զբաղեցնում։ Հարկավոր է ուշադրություն դարձնել ձեզ շրջապատող մարդկանց։ Նրանք շարքում կան այնպիսիք, ովքեր ձեզ կօգնեն ավելիին հասնել։
Սպիտակ մոմ։ Այս գույնի ընտրությունը պատահական չէ։ Սա նշանակում է, որ աշխարհ եք եկել որոշակի առաքելությամբ։ Պարտադիր չէ, որ դա մեծ նպատակ լինի, բայց զգալի ավանդ եք ներդնում հասարակության մեջ։ Ամենայն հավանականությամբ, ձեր մասնագիտությունը կապված է մարդկանց օգնելու հետ։ Միշտ աջակցում եք մարդկանց, պատրաստ եք տալ վերջին ունեցածը։ Ինտուիցիան լավ է զարգացած։
Կապույտ մոմ։ Սա ինտուցիայի գույնն է։ Զգում եք աշխարհը, գիտեք՝ երբ է հարկավոր գործել, երբ լողալ ալիքի ուղղությամբ։ Շրջապատը երբեմն կարող է ձեզ չհասկանալ, բայց հիշեք, որ «ձեր» մարդիկ ձեզ կընդունեն ցանկացած վիճակում, ցանկացած տրամադրությամբ։ Մի դավաճանեք ինքներդ ձեզ։ Մի փորձեք ավելի լավը դառնալ որևէ մեկի համար։
Կանաչ մոմ։ Կանաչը ներդաշնակության գույնն է։ Եթե ընտրել եք հենց այս մոմը, նշանակում է՝ հավասարակշռված մարդ եք, ով կարողացել է կապ հաստատել շրջապատի հետ, ապրում է, հաճույք ստանում կյանքի յուրաքանչյուր վայրկյանից։ Կանաչը նաև աճի գույնն է։ Միշտ աճում եք և նոր բաներ իմանում։
Դեղին մոմ։ Դեղինն ինքնաճանաչման, ինքնազարգացման գույն է։ Կյանքի այս փուլում գիտելիքներ ստանալու ցանկություն ունեք, ցանկանում եք ավելի լավն ու ավելի խելացի դառնալ։ Իսկական ժամանակն է որոշակի գործունեություն սկսելու համար։
Կարմիր մոմ։ Այս մոմը հաճախ ընտրում են մարդիկ, ովքեր միևնույն ժամանակ կրքոտ են ու տղամարդկային։ Այս պահին կանգնած եք ընտրության առաջ. Սե՞ր, թե՞ պայքար։ Լսեք ինքներդ ձեզ։ Ո՞րն է այժմ առավել կարևոր ձեզ համար։ Ինչ որոշում էլ կայացնեք, հիշեք, որ սերը շատ բաների է ընդունակ։
Նյութը հրապարակման պատրաստեց 168.am-ը
