«Եթե ինձ դիմեն «Մանչեսթեր Յունայթեդը» կամ «Բարսելոնան», ես ստիպված կլինեմ ընդունել կյանքիս ամենածանր որոշումը». Մարեկ Համշիկ
«Նապոլիի» ավագին հետաքրքրում են եվրոպական մեծ ակումբները:
Համշիկը պատասխանել է «Նապոլիից» հնարավոր տեղափոխության մասին հարցին:
«Անխոս, եթե ինձ դիմեն «Մանչեսթեր Յունայթեդից», «Բավարիայից» կամ «Բարսելոնայից», ապա ես ստիպված կլինեմ ընդունել կյանքիս ամենածանր որոշումը: Հնարավոր է՝ բոլորն ուզում են խաղալ այդ ակումբներում, բայց ես հաստատ չեմ կարող պատասխանել:
Կարծում եմ, որ «Նապոլին» մտնում է եվրոպական լավագույն 10 ակումբների մեջ»,- հայտարարել է Համշիկը The Sun-ին:
Համշիկը հանդես է գալիս «Նապոլիի» կազմում 2007 թվականից:
Մարեկն ամենաթանկ ֆուտբոլիստն է նեապոլիտանական ակումբում՝ Դիեգո Մարադոնայից հետո:
Պատրաստեց Անի Գաբուզյանը
