Գյումրիում 1-ին համարի ավտոբուսը վթարի է ենթարկվել
Tsayg.am-ը գրում է. Սեպտեմբերի 6-ին, ժամը 15:00-ի սահմաններում, Սայաթ-Նովա փողոցում բախվել են «Մերսեդես» մակնիշի ավտոմեքենան ու 1-ին համարի ավտոբուսը: «Մերսեդես»-ն անսարքություն է ունեցել, վարորդը չի կարողացել կառավարել մեքենան: Վթարի պահին ավտոբուսում եղել են ուղևորներ, տուժածներ չկան: Դեպքի վայրում աշխատել են ճանապարհային ոստիկաններն ու ապահովագրական ընկերության ներկայացուցիչները: Ճանապարհատրանսպորտային պատահարի մանրամասները պարզ կդառնան վարչական վարույթ իրականացնելուց հետո:
