Վերջին երկու շաբաթում Մյանման լքել են ավելի քան 146 հազար ռոհինջա փախստականներ. Reuters
Վերջին երկու շաբաթվա ընթացքում առնվազն 146 հազար ռոհինջա փախստականներ են եկել Բանգլադեշ Մյանմայում բռնությունների նոր ալիքի տարածման պատճառով: Այդ մասին հայտնել է Reuters գործակալությունը՝ վկայակոչելով ՄԱԿ-ի դիտորդների տվյալները:
Ըստ գործակալության տեղեկատվության, Մյանմայի Ռաքհայնի նահանգի տարածքից փախստականների ընդհանուր թվաքանակը հարեւան Բանգլադեշում 223 հազարի է հասել անցյալ տարվա հոկտեմբերից ի վեր, երբ տարածաշրջանում նույնպես բռնություններ գրանցվեցին: Այն ժամանակ իսլամիստ զինյալները Ռաքհայնում մի շարք հարձակումներ էին կատարել ուժայինների դիրքերի վրա, ինչը ռազմական գործողության հանգեցրեց տարածաշրջանում:
Ռաքհայնում իրադրությունը կտրուկ սրվել է օգոստոսի 25-ին, երբ «Ռոհինջայի փրկության արաքանյան բանակ» շարժման հարյուրավոր զինյալներ, շարժում, որը հանրապետության իշխանությունները համարում են ահաբեկչական կազմակերպություն, հարձակումներ են գործել ոստիկանության 30 հենակետերի վրա: Ինչպես ավելի վաղ տեղեկացվել է, Մյանմայի արեւմուտքում ընդհարումների զոհերի թիվը գերազանցել է 400-ը: Սպանվածների մեծ մասը ռոհինջա-զինյալներ են, հաղորդել է ՏԱՍՍ-ը:
