Բենզինը լցրել է ընկերոջ վրա ու կրակայրիչը վառել. կատակն ավարտվել է ծանր հետևանքով
Գյումրիում երկու անչափահաս տղաներ կատակել են, արդյունքում նրանցից մեկը այրվածքներով տեղափոխվել է հիվանդանոց:
17-ամյա տղան այրվածքներով տեղափոխվել է «Գյումրի» ԲԿ, որտեղից մեզ հայտնեցին, որ նա վնասվածք է ստացել դեմքի, երկու ձեռքերի, որովայնի, ինչպես նաև՝ 2 ազդրերի հատվածում:
Իսկ այրվածքներն անչափահասն ստացել է՝ իր հասակակցի հետ կատակելու ժամանակ. ընկերը բենզին է լցրել վրան, որից հետո, իբրև կատակում է, կրակայրիչը վառել է, այդ պահին էլ տղան փորձել է նրա ձեռքից կրակայրիչը վերցնել, սակայն կրակ է բռնկվել, ինչի հետևանքով նա այրվածքներ է ստացել:
