Բրազիլիայի գլխավոր դատախազը մեղադրանքներ է առաջադրել Ռուսեֆի և Լուլա դա Սիլվայի դեմ. Globo
Բրազիլիայի գլխավոր դատախազ Ռոդրիգու Ժանոն հայց է ներկայացրել երկրի Ֆեդերալ գերագույն դատարան՝ հանցավոր ընկերակցության կազմակերպման մեղադրանքներ առաջադրելու հանրապետության նախկին նախագահներ Դիլմա Ռուսեֆին եւ Լուիս Ինասիու Լուլա դա Սիլվային: Սեպտեմբերի 5-ին այս մասին հայտնել է Globo հեռուստաալիքը։
Մեղադրանքներ են առաջադրվել նաեւ Բրազիլիայի կառավարության մի քանի նախկին նախարարների եւ սենատոր Գլեյզի Հոֆմանի հասցեին, որը ձախ՝ Աշխատավորների կուսակցության նախագահն է:
Այս քրեական գործի բոլոր ֆիգուրանտներին սպառնում է երեքից մինչեւ ութ տարվա բանտարկություն:
Ժանոյի կազմած փաստաթղթում ասված է, որ 2002-ից մինչեւ 2016 թվականն ընկած ժամանակամիջոցում գործի ֆիգուրանտները «հիմել եւ կազմակերպել են հանցավոր խմբավորում առավելապես պետական վարչակազմի դեմ բազմաթիվ հանցագործություններ կատարելու համար», հաղորդել է ՏԱՍՍ-ը:
