Ավիապատահարների հետաքննության եվրասիական հանձնաժողովն աշխատանքը կսկսի 2018 թվականին
Ավիապատահարների հետաքննության եվրասիական նոր հանձնաժողովն աշխատանքը կսկսի 2018 թվականին: Այդ մասին հայտարարել է ՌԴ տրանսպորտի նախարար Մաքսիմ Սոկոլովը Արեւելյան տնտեսական համաժողովում ՏԱՍՍ-ին տված հարցազրույցում։
«Մենք ակնկալում ենք, որ հանձնաժողովն իր աշխատանքը կսկսի հաջորդ տարի»,- ասել է նա:
Սոկոլովը հավելել է, որ գերատեսչությունը հաջորդ շաբաթ կներկայացնի Ավիապատահարների հետաքննության եվրասիական հանձնաժողովի մասին պայմանագրի նախագիծը:
«Վերջերս այդ գաղափարը կառավարությունների ղեկավարների մակարդակով քննարկվել է Աստանայի հանդիպմանը եւ աջակցություն է ստացել: Հաջորդ շաբաթ ես այդ թեմայի շուրջ բանակցություններ եմ վարելու Եվրասիական տնտեսական հանձնաժողովի կոլեգիայի նախագահ Տիգրան Սարգսյանի հետ, որտեղ տրանսպորտի նախարարության կողմից ներկայացվելու են այսպես կոչված Եվրասիական ՄԱԿ-ի (Սիջպետական ավիացիոն կոմիտե) ստեղծման համապատասխան համաձայնագրերի նախագծերը»,- ասել է նախարարը:
Նրա խոսքով՝ Հայաստանից, Ղրղզստանից. Ղազախստանից եւ Բելառուսից իր գործընկերները դրական են վերաբերվում Ավիապատահարների հետաքննության եվրասիական հանձնաժողովի ստեղծմանը:
Սոկոլովը հիշեցրել է, որ նոր կառույցը բաց է լինելու նաեւ ԵԱՏՄ-ի մեջ չմտնող պետությունների համար:
