Բյուրականում բռնկված հրդեհը դեռևս չի հաջողվում մարել. ՊՆ ավիացիայի ուղղաթիռն իրականացրել է հետախուզական թռիչք
Հրդեհաշիջման աշխատանքները Բյուրականի մերձակա բուսածածկ տարածքում բռնկված հրդեհի վայրում չեն դադարեցվել ողջ գիշեր: Այս մասին հայտնում է ԱԻՆ լրատվական ծառայությունը:
Այսօր՝ սեպտեմբերի 6-ին՝ առավոտյան ժամը 7:30-ին, ՀՀ ՊՆ ավիացիայի ուղղաթիռն իրականացրել է հետախուզական թռիչք:
Ժամը 9:30-ի դրությամբ հրդեհաշիջման աշխատանքներին մասնակցում է 152 փրկարար ծառայող:
Հիշեցնենք, որ սեպտեմբերի 3-ին՝ ժամը 15:26-ին, ահազանգ է ստացվել, որ Արագածոտնի մարզի Բյուրական գյուղին հարակից սարին՝ անտառում, հրդեհ է բռնկվել:
