Վրաստանի արևելքում շարունակվում է հրդեհների մարումը

Վրաստանի ներքին գործերի նախարարության ստորաբաժանումները շարունակում են մարել Կախեթի անտառազանգվածում ծագած հրդեհի օջախները, տեղեկացնում է «Գրուզիա Online»-ը:

ՆԳ նախարարության Արտակարգ իրավիճակների կառավարման գործակալության հրշեջ փրկարարների եւ Անտառների ազգային գործակալության աշխատակիցների հետ միասին հրդեհաշիջման աշխատանքներին միացել են ՆԳՆ-ի հատուկ հանձնարարությունների դեպարտամենտի 400-ից ավելի աշխատակիցներ:

Ավիացիայի օգնությամբ կենդանի ուժ է տեղափոխվել անմիջականորեն կրակի օջախների մոտ: Հրդեհաշիջման աշխատանքները շարունակվում են շուրջօրյա ռեժիմով: Կրակի մարման գործում ներգրավվել է չորս ուղղաթիռ: