«Ալեքսիս Սանչեսը կամ կստորագրի պայմանագիրը, կամ կհեռանա անվճար». Արսեն Վենգեր
Ֆրանսիացին չի վաճառի հարձակվողին:
Ավելի վաղ հաղորդվել էր, որ «Մանչեսթեր Սիթին» պայմանավորվել է «Արսենալի» և Սանչեսի հետ, բայց վերջին պահին լոնդոնցիներն արգելափակել են գործարքը:
«Սանչեսի վերաբերյալ գործարքը հեռու էր ավարտից: Ես ուզում եմ, որպեսզի ֆուտբոլիստը կենտրոնանա կարիերայի, մրցաշրջանի և «Արսենալի» վրա:
Ալեքսիս Սանչեսը իր պայմանագրի վերջին տարին կանցկացնի «Արսենալում»: Կամ մրցաշրջանի ընթացքում միջոց կգտնվի պայմանագիրը երկարաձգելու համար, կամ մրցաշրջանի վերջում ֆուտբոլիստը անվճար կհեռանա»,- Արսեն Վենգերին է մեջբերում ESPN-ը:
Ալեքսիս Սանչեսի պայմանագիրը «Արսենալի» հետ ավարտվում է 2018թ. ամռանը:
Պատրաստեց Անի Գաբուզյանը
